Сайлаулар турында төп мәгълүмат
Сайлаулар турында төп мәгълүмат

Быел безнең алда җитди сайлаулар тора! Татарстан Республикасы территориясендә түбәндәге сайлаулар үткәреләчәк:

  • Татарстан Республикасы Президентын сайлаулар;

  • 28 нче бер мандатлы Түбән Кама округы буенча Россия Федерациясе Дәүләт Думасына депутат сайлау буенча өстәмә сайлаулар;

  • 37 нче бер мандатлы Алабуга округы буенча Татарстан Республикасы Дәүләт Советына депутат сайлау буенча өстәмә сайлаулар;

  • муниципаль берәмлекләрнең (авыл җирлекләренең, шәһәр советларының, Казан шәһәр Думасының) вәкиллекле органнарына депутатлар сайлаулар.

  • Татарстанның кайсы районында яшәүчеләр тавыш бирәчәк?

Татарстан Республикасы Президентын сайлауларда – республика территориясендә теркәлгән балигълык яшендәге Россия гражданнарының барысы да.

28 нче бер мандатлы Түбән Кама округы буенча Россия Федерациясе Дәүләт Думасына депутат сайлау буенча өстәмә сайлауларда – түбәндәге районнар территорияләрендә балигълык яшендәге Россия гражданнарының барысы да:

  • Аксубай районы,

  • Алексеевск районы,

  • Әлки районы

  • Зәй районы,

  • Түбән Кама районы,

  • Яңа Чишмә районы,

  • Нурлат районы,

  • Спас районы,

  • Чирмешән районы,

  • Чистай районы

37 нче бер мандатлы Алабуга округы буенча Татарстан Республикасы Дәүләт Советына депутат сайлау буенча өстәмә сайлауларда – Алабуга шәһәрендә һәм Алабуга районы территориясендә теркәлгән балигълык яшендәге Россия гражданнарының барысы да.

Муниципаль берәмлекләрнең вәкиллекле органнарына депутатлар сайлауларда – Казан һәм Яр Чаллы шәһәрләре, шулай ук 38 шәһәр һәм 873 авыл җирлеге территорияләрендә теркәлгән балигълык яшендәге Россия гражданнарының барысы да.





СЕРВИСНЫҢ БАШКА БҮЛЕКЛӘРЕ