Кемне сайлыйбыз?
Кемне сайлыйбыз?

Татарстан территориясендә теркәлгән балигълык яшендәге Россия гражданнары:

  • Татарстан Республикасы Президентын;

  • муниципаль берәмлекләрнең (авыл җирлекләренең, шәһәр советларының, Казан шәһәр Думасының) вәкиллекле органнары депутатларын.


Аксубай, Алексеевск, Әлки, Зәй, Түбән Кама, Яңа Чишмә, Нурлат, Спас, Чирмешән, Чистай районнарында теркәлгән гражданнар 28 нче бер мандатлы Түбән Кама округы  буенча Россия Федерациясе Дәүләт Думасына депутат  сайлауларда катнашачак. Биредә өстәмә сайлаулар уздырыла.

Алабуга районы һәм Алабуга шәһәре территориясендә теркәлгән гражданнар 37 нче бер мандатлы Алабуга округы буенча өстәмә сайлауларда Татарстан Республикасы Дәүләт Советына депутат сайлаячак.

Татарстан Республикасы Президентына кем кандидат була ала?

Татарстан Республикасы Президенты вазыйфасына кандидатны бары тик сәяси партияләр генә күрсәтә ала. Үзеңне үзең тәкъдим итү каралмаган. Бу турыда Татарстан Республикасы Сайлау кодексында  аңлатма бирелә.


Ничә депутат һәм ничә елга сайлана?

Муниципаль сайлаулар 2 шәһәр округы, 38 шәһәр һәм 872 авыл җирлегендә уздырыла. Барлыгы 7,7 мең депутат урынына дәгъва белдерелә.